काठमाडौं । ह्वावे नेपालले यस वर्षको सीड्स फर द फ्युचर कार्यक्रम सम्पन्न गरेको छ । काठमाडौंमा आयोजित आईसीटी विषय अन्तर्गत स्नातक तहका विद्यार्थी लक्षित ग्लोबल फ्ल्यागसीप सीएसआर कार्यक्रम सम्पन्न भएको हो ।कार्यक्रम पहिलो पटक थाइल्याण्डमा २००८ मा सुरु भएको थियो । त्यस लगाएत १३० भन्दा बढी देश र क्षेत्रका १२ हजार भन्दा बढी विद्यार्थीहरूले कार्यक्रममा भाग लिइसकेका छन् ।यस वर्ष नेपालभरबाट २५६ आवेदन प्राप्त भएको कम्पनीले जनाएको छ । जसमध्ये निर्माण खड्का (काठमाडौं विश्वविध्यालय), वंशज पौडेल (मदन भण्डारी मेमोरियल कलेज), जतिन भुसाल (ख्वोपा इन्जिनियरिङ कलेज), रिया वैद्य (पुल्चोक क्याम्पस), नदिका पौडेल (पुल्चोक क्याम्पस), प्रज्ञा मल्लिक (काठमाडौं विश्वविध्यालय) र अजु तामाङ् (अमृत साइन्स क्याम्पस) छनोट भएका थिए ।
प्रा. डा. शशिधर राम जोशी, प्रा. तिमिला यमी थापा, प्रा. डा. सुवर्ण शाक्य र प्रा. डा. मनिष पोखरेल सम्मेलित टोलीले उनीहरुलाई छनोट गरेको थियो । जुलाईमा छनोट भएदेखि विद्यार्थीहरूले विभिन्न संलग्नताहरू मार्फत नेपालको आईसीटी उद्योगमा इन्साइट प्राप्त गरे ।विद्यार्थीहरूले १९ अगस्टदेखि २७ अगस्टसम्म बैंककमा आयोजित पहिलो क्षेत्रीय अनसाइट कार्यक्रममा भाग लिएका थिए । जहाँ उनीहरूले मेटाभर्स, ५जी, एआई, क्लाउड कम्प्युटिङ, डिजिटल पावर र अन्य इमर्जिंग प्रविधिहरूका बारेमा सिकेका थिए र ५जी का व्यावहारिक एप्लिकेसनहरू हेर्नुका साथसाथै १६ देशका ११६ विद्यार्थीहरूसँग क्रस-कल्चुरल शिक्षामा पनि सहभागि भएका थिए । उनीहरूले “टेक४गुड” प्रतियोगितामा भाग लिए जहाँ उनीहरूलाई रीयल-वर्ल्ड वातावरणीय वा सामाजिक समस्याहरू विरुद्ध लड्न मौलिक विचारको साथ आउन आवश्यक थियो । क्लाउड, एआई र ब्लकचेन प्रविधि प्रयोग गरेर नक्कली औषधि पत्ता लगाउनको लागि अद्वैत, वान-स्टेप सोलुसनको आफ्नो विचार पनि प्रदर्शन गरेको कम्पनीले जनाएको छ ।
अगस्ट २९ – सेप्टेम्बर २ सम्म सिंगापुरमा आयोजित टेक४गुड एक्सेलेटर क्याम्पमा सहभागी हुन २४ मध्ये ७ विजेता टोलीमध्ये टिम नेपाल एक थियो । सिंगापुरमा विद्यार्थीहरूले सिंगापुरस्थित ह्वावे कार्यालयको भ्रमण गरे । उनीहरूले आफूलाई तोकिएको सल्लाहकारसँग काम गर्दा व्यवसाय मोडेल विकास र डिजाइन थिकिंगको बारेमा पनि सिके । उनीहरू आफ्नो विचार सुधार गर्न सक्षम भए र यसलाई कसरी लगानीकर्ताहरूमाझ ल्याउने भनेर सिके । विद्यार्थीहरूहरू फर्किएपछि सेप्टेम्बरको अन्त्यमा मुक्तिनाथमा ह्वावे-निर्मित बेस स्टेशनको पनि भ्रमण गरेका थिए ।
कार्यक्रममा सञ्चार तथा सूचना प्रविधि मन्त्रालयका सहसचिव अनिलकुमार दत्तले समापन समारोहमा सहभागी हुन पाएकोमा र प्रतिभाशाली विद्यार्थीलाई भेट्न पाएकोमा खुशी व्यक्त गरे ।प्रा. डा. शशिधर राम जोशीले थाइल्यान्ड र सिङ्गापुरमा भएको ज्ञान आदानप्रदान सेसनले उनीहरूलाई आफ्ना विचारहरू प्रस्ट्याउन मद्धत गरेको र उनीहरू भविष्यका उद्यमी बन्न सक्ने उनले बताए ।प्रा. तिमिला यामी थापाले यो कर्यक्रम विद्यार्थीका लागि आफ्नो प्रतिभा र सीपलाई परिष्कृत गर्ने ठूलो अवसर भएको बताइन् ।प्रा. डा. सुवर्ण शाक्यले सिड्स फर द फ्युचर जस्ता सीएसआर कार्यक्रमहरूमा ध्यान केन्द्रित गरेको र नेपाललाई सहयोग गरेकोमा ह्वावेलाई धन्यवाद व्यक्त गरे ।नेपाल सरकारको ई-गभर्मेन्ट आयोगका प्रमुख कार्यकारी अधिकृत र्इ. दिपेश विष्टले ह्वावेको सिड्स फर द फ्युचर जस्तो प्लेटफर्म पाउनु विद्यार्थीहरु भाग्यमानी भएको बताए ।ह्वावे नेपालका प्रमुख कार्यकारी अधिकृत विलियम चाङले ह्वावेले प्रतिभाशाली विद्यार्थीहरूलाई अन्तर्राष्ट्रिय एक्सपोजर र सिकाइको लागि प्लेटफर्म उपलब्ध गराउन सक्षम भइरहन चाहेको बताए ।
